Valentin

https://s-media-cache-ak0.pinimg.com/736x/93/bd/c0/93bdc0457bbb850db118ff38ec00ace3.jpg

اجا “فالنتان” وبلشو قلوبو يدقو عالطرقات وعالفيترينات. كل دقة بدولار. بولوشات، كبايات، مخدات، بورت كلايات، بورت مونايات… وهل مونايات كل مالن بقلو! زمت الجيبة وصفرن الجذدان. كل ما دق القلب أسرع كل ما الغلى صار أكتر، وكل ما كترو الديونات، وكل ما زاد الوجع لرد الديونات. يعني بمعنى آخر، انتبهوا ما يدق كتير أحسن ما يصير في إفلاس… من نوع عاطفي.

اجا “فالنتان”وبلش الحب ينادي للقاطعين بالشارع: “تعو يا عالم شتروني، ما الكن إلا هالشهر. أوعى تتأخرو، وإلا بيوقف قلبي. هاي النطرة لل “أوكازيون” بعد العيد، نسوها. عروضات وتنزيلات ما في. و صولد عالحب ما في. يا كل شي يا مشي.”

أخ من هالزمن، يلي صار في الحب بينشرى وبينباع. بس ياريت الكل قادر يشتري.

الحب صار غالي، غالي كتير، ومش الكل قادر يدفع حقو. مع إنو الكل بحاجة إلو. أوقات بفكر، إنو ليش ما في دعم حكومي للحب متل ما في دعم حكومي للخبز؟ مزال كل الناس محروقة ع شي غمرة حامية متل الرغيف الصخن! أوقات ما بتفرق إذا سمرة أو بيضاء. ما هيك؟ المهم خبزة. بتشبع، وبتئيت عالقلب. بس يا حسرتي، ما حدا بيسترجي يتنفس. ما حدا بيسترجي يضارب ع صوت هالقلب ويقول: “يا عالم تعو حبوني!” بدال ما نخلي الحب يقلنا تعو شتروني، لازم نقلو تاع حبنا قبل .بس “ما هيدا ضعف” بقولو الناس! ما هيك؟ ما حدا بيسترجي يصرخ: “تعو حبوني، بس ببلاش، لأني مش قادر إدفع. ولك ما معي حق بوسة. يمكن إذا بتعطوني شويت وقت، فيي جمع لحق غمرة. بس بخاف اكسر القجة هلق وما يطلع في “كاش” كفاية. هيك بكون طيرت البوسة وخسرت الغمرة. ومين  بيعرف؟ يمكن ما حدا بعمرو يجبلي قجة تانية!”

أخ منك يا زمن! ملا مأساة وقعت ولادك فيها. ولادك يلي ربيو بمجتمع بعاني من خلل بميزان الحب. هلق بصراحة، ما بعرف إذا المشكلة بالحب أو بالتعبير عن هالحب. شي بحير! هالتعبير أشكال وألوان. أوقات بيجي ع شكل كف، أو كلمة قاسية عم بتفتش عمطرحها بالقاموس. وأوقات بييجي هالتعبير بلا شكل، ولا ريحة، ولا لون، متل الصمت… بس مع طعمة مرة. بس أوقات كمان بييجي ع شكل إهتمام، بس زايد عن اللزوم. غمرة مثلاً. بس شو غمرة؟ بتخنق، بتفطس، بتحبسلك نفسك! يعني بهالحب، يا طخو يا كسرلو مخو.

حب! هني كلن حرفين: حاء و باء. بس ما فيك تحصل عل تنين سوا. ما فيك تطلب كتير. بدك تنقي. شو بتفضل؟ حامي أو بارد؟

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s