الفرق بين الخيمة والبيت… كلمات

اليوم مع تفاقم الأزمة السورية بلبنان، ومع تقلص الخيارات بما يتعلق بالملجأ والمأوى، معظم اللاجئين عم بعيشو بخيمة. كتار من الناس سلّطو الضو على الفرق بحاجات العائلات بحسب العيشة بخيمة أو ببيت، بس ولا مرة فكرنا إنو الفرق ما بيقتصر بس على حاجات مادية وبس، انما مأثر حتى على المصطلحات اللغوية لي بتستعمل بالخيمة أو بالبيت

يعني مثلاً بالخيمة، ما فيا الأم تقول ل بنتا “انتبهي ماما ما تتفركشي بالعتبة”. لأن ما في عتبة! فيا تقلها “انتبهي ماما ما تتفركشي بالحبلة

ما فيا إم تقول ل ابنها الكبير، “نيم اختك ميلة الحيط، أحسن ما توقع بالليل”. لأن ما في حيط! فيا تقول “غمور اختك ماما أحسن ما توقع بالليل

ما فيا إم تقول لأولادها “حطو شي عليكن قبل ما تضهرو، أحسن ما تاخدو برد”. لأن الحرارة برا متل جوا. فيا تقول “تعو نشرب كاسة شاي بركي مندفا شي شوي

ما في حدا يسأل “أفلتو الباب أبل ما تنيمو؟”. لأن ما في لا قفل ولا باب. في حدا يسأل :غلقتو الشرشف أبل ما تنيمو؟” 

ما فيا الأم تقول ل بنتا “فتحيلي الشباك ماما عبأ ع قلبي”. لأن ما في شباك! فيا تقول “عليلي هالنيلون من حدك بركي بفوت شوية شمس

ما فيا إم تقول لأولادها “حطو شي تحتكن! اعدين عل بلاط (أو الباطون) هلأ بتصقعو”. لأن ما في بلاط ولا باطون! فيا تقول “حطو شي تهتكن أحسن ما تنتلو تراب

 ما فيا إم تقول لأولادها كتير اشيا

هونيك مرة تطلعوا الأولاد بأمهم وقالو “ماما طلباتك غريبه اخر فترة، ولا مرة سمعناكي عم بتقوليهم وقتا كنا بالبيت.” تطلعت الأم بأولادها وقالت: “صدقتو يا ولاد! نحن كنا بالبيت، بس نحن اليوم مبق في عنا بيت . معليش! سمحولي فيا بس هل مرة !”

Advertisements

One thought on “الفرق بين الخيمة والبيت… كلمات

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s